Ek het gisteraand Suid-Afrika teen Australië in die voetbal op QPR gaan sien. Dis die tweede keer dat ek hulle sien speel het en ek moet sê hulle is nou veel beter as die laas keer en ek was beïndruk. Die doelwagter was nie so goed nie en dit was sy foute wat tot Australië se doele lei. Op die ander kant, Australië se verdediging was nie beter nie en die uitslag was 2-2 so almal was bly.

Die stadion was nie vol nie maar daar was genoeg mense wat sing-sing en jol-jol so dit was ‘n lekker aand.

“En waar’s die doelwagter?” Net ‘n paar nanosekondes voordat Australië ‘n doel kry. Sien jy die bal?

Goeie sitplekke onder die Suid-Afrikaners.

Gisteraand het ek ‘n vriendelike sokker wedstryd tussen Suid-Afrika en Egipte in Brentford gaan sien. Ek moet sê dat Bafana Bafana nie indrukwekkend was nie – eintlik was hulle afskuwelik – en Egipte was baie beter en jy weet hoekom hulle die huidige kampioene van Afrika is. Ek het lekker gejol en dit was goed om soveel Suid-Afrikaners van alle rasse te sien – gewoonlik in Londen sien jy net jong Afrikaners of Engelse maar hulle is net ‘n klein deel van die hele Suid-Afrikaner bevolking in Londen. Gisteraand het ek ‘n wye verskeidenheid tale gehoor en almal was so trots op die span.

Maar dis nie soos om die Arsenal te kyk nie.